NEDFi-i NE entrepreneurs atema sen cr. 100 fund sangdongogo

September 16, 2016 nü Kohima nung Business Meet alidang DoNER Secretary Naveen Verma aser tanga ketdangsertem külemi agiba noksa angur.

Kohima, September 16 (TYO): North East Region nung entrepreneurs ajungmesotsü atema Union Ministry of DoNER-i North Eastern Development Finance Corporation Ltd (NEDFi) ajanga tanü scheme tasen ‘North East Venture Capital’ sen crore 100 fund sangdongogo, aser iba ya taruba ita tenzüktsü.
Oriental Grand, Kohima nung NEDFi Kohima branch aser Entrepreneurs Associates (EA) nati senteper ayongba Business Meet 2016 nung DoNER Secretary, Naveen Verma lia iba sangdong metetdaktsü.
Iba senden nung jembidang Verma-i, “Nagaland nung marketing skill nung rangloktsü nüngdaker, ta ashiba den külemi lanurtemi sorkar mapa bulua bushiba ajema kümdar, aser iba ya temaitsü tajung ka lir,” ta metetdaktsü.
Entrepreneur tem nungita yaritsü, ta shia Verma-i parnok dang parnoki jangraba business ji tama metettsüla, ta ashi.
Paisa¸ entrepreneur temi pei tashi metettsüla, iba sülen schemes aser projects tem agitsüla, ta ashi.
Pai ashiba agi, Nagaland nung lanurtemi sü atakba & handicraft, chiyungtsü wazüka ayuba, fashion designing, kentenmenü aser aluyimba maparen nung inyaktettsü.
NEDFi Chief Managing Director, B.P. Muktieh-ia entrepreneurs dang “Venture Capital” fund nungi tajangzük agitsüla, ta ashi.
Paisa, “Nenok business asameyangji tashi meitra ‘Venture Capital’ ajanga na meyaritsü,” ta ashi.
“Business sentongji tejangja asütsüla,” ta shia pai iba Venture ceiling limit ji sen crore 5 tashi lir aser “Venture Capital” mapangji küm 10 asütsü, ajisüaka nüngdak dang süra küm ana tashi atsülangtsü akok, ta metetdaktsü.
Tanep NEDFi DGM, R.E Zeliang-i NDEFi scheme tem indang metetdaktsü aser EA coordinator aser CEO Neichute Doulo-ia jembia liasü.
Iba fund sen crore 100 nungi crore 45 ji DoNER Ministry nungi, sen crore 30 ji NEDFi nungi aser tanüngba sen crore 25 ji tanga rejutem nungi asütsü.
Iba fund ya taruba ita nungi tenzüktsü sentong liaka iba fund amshitsü atema DoNER-i NEDFi Trustee Limited aser NEDFi Venture Capital Limited den loktepogo.