NEEM süngdong

– Agricultural Technology Management Agency (ATMA)

Neem
Neem süngdong ya India lima tesem ajak nung kanga dang talubo süa angur aser iba süngdong küm piyong tu mejet-i alir aser Febuary-April nung tejang atanger. Neem to, kongsang, taküb aser tejang ajak ya mozü ama amshiteter.
Uses (Tamshiyim)
Neem süngdong ya alemli nungi mozü ama amshia arur, Neem tu takong amshiba ajanga suoshi aser kaketem termites, koya aser leplo ama shiruru tem nungi kumzüktsü asoshi junger. Neem cake aser Neem oil koba neem tejang nungi yanglur ibai ali nung aliba mesen tepsetter aser tsünüsempongtsü mesen nungi kumzüka yutsür.
Advantages (Tajangzük)
Neem agi yangluba mozütem ya synthetic pesticides den metemdangra teimba, neem mozü agi meilongi ang mapa inyaker. Sakasa neem amshiba tajangzük teimba agütsür kechiaser
a) Neem-i yangluba mozüya nisung, shiruru aser ozüsangnü atema mim masü,
b) Ali tsü mopung memenentsür.
c) Aluyimertem senotsü tsütsü tajangzük tulu agütsür kechiaser iba neem süngdong pei lu nung tsüner mozü peisasa kidang yanglua amshiteter.
Neem tejang agi mozü yangluren kar yamai lir
Neem süngdong kongsang, tu, tera aser taküb ajak ya mozü ama amshitetsü. Saka pa tejang ya tongtibangtiba lir. Neem oil, Neem Seed Kernel Extract (NSKE) aser Neem cake ya neem tejang agi yanglur.
Tejang Rizüngba Yimya
a) Neem süngdong ji anokshir, tejangtem bendentsü.
b) Teka mesüra machine amshia tejang nung keta aliba endoktsü.
c) Tzü nung item tejang ji shitoker anü nung kongdakjang. Tejangtemji mangrang nungi kümzüktsü jung junga kongdaktsütsüla kechiaser item mangrangi neem totzü quality ajemdaktsür.
d) Basket, mesüra sü mesüra jute bags nung rizünga ayutsüla aser temokong aser taking jaka nung ayütsüla.
e) Plastic container mesüra plastic bags nung kodanga mayütsüla.
f) Yamaji rizünga ayu nungbo, küm ka tashi tejang junga yutetsü, saka iba den talangba mayutetsü.
Neem Seed Kernel Extract (NSKE) koma yanglutsü
a) Neem tejang tamen ya bendener taküb sadokang.
b) Iba sülen neem tejang takabo ana shi (two handful) menüngsar tzü litre ter (10) nung meyoktepang.
c) Minute metsü (20) shi süngdang kadi ayishiang aser konda terok nung-i terterok shi(6-16) yadoktsüang.
d) Iba sulen sapon(soap) powder spoon ka(teaspoon) inoker ayitepang.
e) Iba temeyoktep ya sü tapo (muslin cloth) ka nung senzükang.
Iba senzükba tzü dang ya Neem Seed Kernel Extract (NSKE) ta ajar. Neem Seed Kernel Extract ya alu tasazük aser tsünüsempongtsü nung arüktsü. Alu acre ka nung 500-750 litres nüngdaktsü. Iba Neem Seed Kernel Extract ya rüker anogo 5-6 sülen anosa ken rukyunga oang.
Neem Oil Emulsion koma yanglutsü:
a) 500ml neem oil 10 litre baltin nung enoktsü.
b) Iba sülen 50gram (10 teaspoon) sapon (soap powder) mesüra Teepol neem oil nungji enoka ayitepang.
c) Baltin sünga tzü enokkang aser temesüng creamy liquid maküm tashi arüshiang.
d) Neem totzüji tzü tema nung püngzü nungbo, sapon powder ano enokang aser ayitepang.
e) Iba dang ya neem oil emulsion ta ajar.
f) Iba emulsion ya tsünüsempongtsü tera ka nung rükdangang. Anogo ana (2days) sullen, emulsion-I tsünü sempongtsüji raksatsü nungbo, ano tzü emulsion nungji enokang aser rükang.
g) Acre ka atema 500-750 litres nüngdaker aser iba emulsion ya süngdong ajunga jungjunga metendaktsütsüla.