Neena Gupta aser Rajit Kapoor nati NYIFF 2016 nung sempet angu

New York, May 15, 2016 : 16buba New York Indian Film Festival (NYIFF) sentong nung actress Neena Gupta aser actor Rajit Kapoor nati “The Threshold” film nung kanga junga shilem agitetba ajanga Best Actress aser Actor award angu.
Iba film ya Pushan Kripalani-i direct asüba lir aser Hokolbarnü NYIFF sentong nunga sayuogo.
Neena-i la sempet anguba twitter ajanga lemsatepogo.
Lai, “Newport nung Rajit Kapoor künati ‘The Threshold’ film nung Best Actor aser Actress sempet nguogo,” ta twitter ajanga lemsatep.
Iba film ya küm 20 dak tema kibong ka nung künü atalokba otsü lir.
Actor tejen Anupam Kher-i tena sempet tulu anguba atema twitter ajanga tenüngsang agütsüogo.
NYIFF sentong ya Hansal Mehta-i yangluba “Aligarh” film sayua Honibarnü tembangogo.