Neeraj Pandey-i ‘Special Ops’ direct asütsü

Tsüklai/February 18, 2020 (Agencies): Film yanglur Neeraj Pandey-i web series nung ajemoka pai international spy thriller series “Special Ops” mezüng direct asütsü ternemba lir, ta sangdong ka ajanga metetdakja liasü.
Iba series atema osang tejangja sangdonga mali, saka iba Hotstar Specials thriller ya küm 19 tashi linük nung atalokba tongtibang otsü nung ajemdaker yanglutsü. Iba series ya Turkey, Azerbaijan, Jordan aser India densema alima tesem balala nung tangokdar.
Pandey aser Shivam Nair nati iba action thriller direct asütsü. Tejangraba tulu nung, “Special Ops” ya Pandey den Deepak Kingrani aser Benazir Ali Fida naprongla densema tanga writer tem den longjemer zülua liasü.
Iba project indang jembiba mapang Pandey-i ashiba agi, “Onoki genre tajung ka nung ajemdaker inyaktsü asoshi bilema liasü aser onok indang mezüng digital series – ‘Special Ops’ ya Hotstar Specials den longjemer produce asütsü atema yongyar.”
Friday Storytellers atema, iba show ya Pandey aser Shital Bhatia nati produce asütsü. Friday Storytellers ya Friday Filmworks indang digital shilem ka lir.