NEET 2019 results adokogo

New Delhi, June 5 (Agencies): Kaketshir lakh 14 shi kati National Eligibility cum Entrance Test (NEET) 2019 agütsüba nungi parnok 56.5%-i takok nguogo.
Taküm India topper ji Rajasthan nungi Nalin Khandelwal lir. Pai marks 720 nungi 701 nguteta 99.9% takok angu.
Tanabuba jenjang angurji Delhi nungi Bhavik Bansal aser UP nungi Akshat Kaushik na lir. Tenaprongi marks 700 nguteta liasü.
Tasembuba jenjang nung takok angurji Haryana nungi Swastik Bhatia lir. Pai marks 696 angu.
Taküm tematiba jenjang 10 nung tetsür ka dang dena lir aser laji Telangana nungi Madhuri Reddy lir. Lai marks 695 ngua jenjang tenetbuba nung takok angu.
Kaketshirtemi ntaneet.nic.in. nung pei indang results metettsü akok.
Taküm NEET nung takok angurtem rongnung nübo teimbaji Other Backward Classes category nungi lir. OBC kaketshir lakh 3.75 ajanga takok ngutet. Parnok sülen unreserved category nungi kaketshir lakh 2.8-i takok angu.
Maneni, Scheduled Castes category nungi kaketshir lakh ka shi aser Scheduled Tribes kaketshir 35,000-i taküm NEET nung takok ngutetogo.
Medical Council of India aser Dental Council of India ajanga agizüka aliba college tem nung azüngtsü atema National Testing Agency (NTA)-i NEET agia liasü.