NEET tatidang May 1 nü agütsü: SC

New Delhi, April 30 (Agencies): Kaketshir telok kari May 1, 2016 nü agitsü aliba National Eligibility cum Entrance Test (NEET) tatidang anogo thinentsü atema mepishi, ajisüaka Honibarnü Supreme Court (SC)-i iba ken o angadangtsü memulungi, NEET tatidang mezüngbuba shilem asüng, Deobarnü agitsü, ta ashi.
Temepishiba nungji kaketshirtem jagi, Central Board of Secondary Education (CBSE) aser state boards syllabus ji balala, anungji tatidang atema renemtsü asoshi parnoki mapang peria mangutsü, ta ashi.
Ajisüaka SC-i kaketshirtem dang, “Nenok tatidang atema renemtsü asoshi shingaia nenok menokdanger. NEET tatidang mezüngbuba shilem May 1, 2016 nü agitsü,” ta ashi
Hokolbarnüa Centre sorkari iba tatidang anogo atsülangtsü mepishia liasü, ajisüaka SC-i iba temepishibaji magizük.
NEET tatidang tanabuba shilem July 24 nü agitsü aser tatidang anaprong osangji August 17 nü sangdongtsü.