NEFIP aser JCPI teloktemi jangjashitsür

Dimapur, November 19 (TYO): November 19 nikongtsütsü 6:00 ako nungi November 20 anüngdang 12:00 ako tashi mokdangba atema osang balala prokshiba ajanga nübortem ratadaktsür, ta NEFIP aser JCPI teloktemi metetdaktsü.
Northeast nung alirtem den külemi noktaker ta sayutsü atema Nagaland nung ghonda 18 mokdangtsü ayongba mapang sensotem yimdong nung mesenzütsü mepishir, ta NEFIP aser JCPI den kin teloktem aser CSOs-i metetdaktsü.
Parnokisa reju aser office balala dang iba mokdang takok ngua agitettsü atema mapang reprangshitsü mepishia metetdaktsüogo.
“Ajisüaka, iba temepishiba ya CAB, 2016 magizüker ta sayutsü atema dang lir aser pei tangatetba agi anidaktsü mesüra manidaktsü akok. Asenoki ghonda ishika bendanga agütsüba ajanga asen tarutsü pututem tia tajung yangertsütsü” ta NEFIP Vice President Theja Therie, Convenor Ghokheto Chophy aser Secretary Tia Longchar nungertemi sangdong ka nung metetdaktsü.
Rongdak nüngdak kar atema senzütsüsa kümra, nisungtemi pei indang maitsü tejangja sayutsü metetdaktsür, ta parnokisa ashi.