Neha Dhupia-i ‘Roadies X3’ nung Esha Deol melener

September 25, 2015: Actress Esha Deol-i reality television show ‘Roadies X3’ nung tetendangger ama shilem agiogo, aser iba TV sentong reprangertemi lai agiba shilemji junga agizükaka lai iba sentong nung tetendanger shilem toktsüogo, aser la melen Neha Dhupia shimogo, ta osang angazüker.
Osang ajanga angazükba agi senotsü dak sentakba mangatettep adokba ajanga Esha Deol-i iba show toktsü.
Ano külen arishi küm 35 Neha Dhupia-i, iba show nung shilem agitsü atema pelar ta ashi.
“Lanurtem taküm nung temelenshi adokdaktsütsü aser lanurtem ajanga ni melenshitsü tejangraba nung iba show nung shilem agitsü ni agizük,” ta lai ashi.
Iba dak sentakba nung Esha tetsü Hema Malini-i Twitter ajanga lar jala nem iba show nung maongka agütsüba atema show channel damng pelaba lemsatepogo.
“Tetsür mezüng tetendanger ka ama Esha shimba atema MTV dang pelar,” ta lai ashi.