NEHU research scholar-i thermal device ka yanglutet

Shillong, March 29 (Agencies): North Eastern Hill University (NEHU) nung research scholar kati COVID-19 atema thermal device ka yanglutetogo.
Iba jenjang dalang testing device ya Meghalaya nung Vinayak Majhi-i yanglu. Pa ya NEHU nung Biomedical Instrumentation and Signal Processing laboratory nung assistant professor Sudip Paul lenisüba kübok research scholar ka lir.
Parnoki anogo asem ser tesadang nung contact-less temperature device yanglutet, ta assistant professor Sudip Paul-i ashi.
NEHU campus telongtet nung nisung temang temperature tendangba oset maliba osang angashia iba ya yanglutsü shisatet, ta paisa ashi.
March 25 nü iba device ji NEHU registrar Prof. J.N.Nayak ket nung agütsüogo.
“Onoki Shillong aser Guwahati nung teka agi amba thermometers alitsü bushitep saka mangu” ta Prof Nayak-i osangbener dang ashi.
“Ajisüaka, research scholar kati temang temperature tendangba jenjang dalang oset ka yanglutsü asüngdang aser tang ibaji campus nung amshir” ta paisa ashi.
NEHU nung alirtemi ashiba agi, iba osetji tang university campus indang kishi tongtiba nung nisungtem screen asütsü atema amshir.