NEI, VBS Director-i tesayurtem training atema sangdong

Dimapur, April 28 (TYO): Taküm agi küm 18buba NEI, VBS-i June 8 nü nungi 12 nü tashi Effective leadership Teachers Training Programme D.B.C Mt. Miracles, Dimapur nung ayongzüka akatsü, NEI VBS Director H Hammei Büchem-i sangdong ka ajanga metetdaktsü.
Anungji Association, Arogotem aser Khristian school tem dang nenok Pastor/Secretary, Youth Secretary, Director, Christian Education Director/Secretary, Superintendent SS Teacher, Child Evangelism Director, Teacher, VBS Director, Secretary aser tejangrar lanurtem arua Effective Leadership mesüra Traning nung arua pei sasa sponsor süa adentsü jaoker, iba den külemi iba sentong atema sarasademdaktsner, ta kasa sangdong ajanga metetdaktsü. Osang Tongteprateptsü: Mobile No. 8974689649.