Neiba Kronu-i Deputy Commissioner of Taxes, Kohima office tasen lapoktsü

Dimapur, May 31 (TYO) : May 30, 2016 nü Planning & Co-ordination, Evaluation & Monitoring &Taxes Parliamentary Secretary, Neiba Kronu-i Deputy Commissioner of Taxes, Kohima indang office tasen lapoktsü.
Iba sentong nung Taxes DC, Nagaland Asangba Ao, IAS, OSD Finance, V. Kezo aser tanga tongti ketdangsertem aika aden.
Neiba Kronu-i tongti tesemdanger o jembidang, Taxes department-i saru aika sarutetba atema pelaba tenüngsang agütsü.
“Taoba küm crores 300 crore sarutet aser taküm shilem 45 agi timba crore 362 sarutetogo. Maneni department tajungba akümtsü aser asen state jenjang tajungba kümdaktsütsü atema department nung mapa inyakertemi nendaka inyaktsüla ayongzüker” ta paisa ashi.
Sentong nung Commissioner of Taxes, Asangba Chuba Ao, IAS-i tesentepertem pela agizüka jembidang, küm aika office building ka aginüa aliba asangsang nung yanglutetba atema kanga pelar, ta ashi.
Assistant Commissioner of Taxes Office, Kohima ji kimung tasazük 9785.00 sqft nung sen lakh 242.44 endoka yanglu. Iba ki ya (G+3) Floors RCC building lir aser Environ Assemblers, Dimapur nungi architect consultant ka ajanga yanglu. September 2011 nungi ki yanglu tenzükba July 2015 nung tembang aser ki nung taktang 19 den conference hall, parking area (ground floor level), common toilet aser Chowkidar quarter with three rooms (basement) lir.
Sentong nung Joint Commissioner of Taxes, Nagaland, Wochamo Odyuo-i anküp tepela o jembi aser Kohima Ao Baptist Arogo Asso. Pastor, Rev. Yashila Jamir-i meshiteta sarasadem.