Neiba Ndang-i NDPP nung aden

Dimapur, November 27 (TYO): Hombarnü Neiba Ndang-i Nationalist Democratic Progressive Party (NDPP) nung züngsem kümogo.
Neiba Ndang-i taoba mapang Nagaland Legislative Assembly Speaker, State NCP President, National Secretary NCP aser Secretary General NCP-North East mapatem inyaka liasü, ta NDPP indang Media & Communications Committee-i sangdong ka nung metetdaktsü.
Dimapur nung NDPP President, Chingwang Konyak menden ser amenba senden ka nung Neiba pela agizük. Pa ya taoba mapang SE Asian Countries tenüng nung Commonwealth Parliamentary Association nunga Executive Member liasü, ta sangdong nungsa shia lir.