NEIGRIHMS nung bushisüngdangtsü

Shillong, November 1 (Agencies): NEIGRIHMS nung ozüngi memelaba nisungtemi taitsü aketba mapa inyakba bushisüngdangtsü aser hopta ana tsüngda iba osang metetdaktsütsü.
Iba mapa inyaktsü tema luden ka tentetsüogo aser parnoki Union health ministry nem osangji sangoktsütsü.
Shillong nung aliba North Eastern Indira Gandhi Regional Institute of Health and Medical Sciences (NEIGRIHMS)-i ken o ka benokba sülen Union health ministry nung Vigilance Division-i bushisüngdang asütsü tetuyuba agütsüogo.
NEIGRIHMS director-i ministry dang mozü kidang ozüngi memelaba nisungtemi medical superintendent nungi temelaba magii taitsü akettsüsa mapa inyaker anungji bushisüngdang süang ta mepishia shidi zülu.
NEIGRIHMS director DM Thapa-i temaba jenjang nung telok kati NEIGRIHMS semdangtsü aser governing council senden nung pa dak tiyazü tai tongloktsüba onüktem pai jangjashitsü atema maongka agüjang ta health ministry dang mepishi.
NEIGRIHMS indang 13 buba Governing Council sendenji October 14 nü New Delhi nung Union minister for health and family welfare, Dr Harsh Vardhan menden ser amen aser idangji Thapa mapa nungi agientsü lemtet.
Thapa ya April 15, 2017 nü NEIGRIHMS nung director inyaktsü shima liasü.