Neivolie Zhashümo-i 55buba SASA melangtepba kokogo

Kohima, January 23(TYO): Jakhama Local Ground, Kohima nung tanü 55buba Southern Angami Sports Association (SASA) Naga nunger melangtepba tetoktepba Neivolie Zhashümo-i kokogo.
Iba tetoktepba nung tanabuba jenjang Visevo Zashümo angu, Keselvi Mekro aser Ketholeto Zashümo nati tasembuba aser pezübuba jenjang angu.
55buba SASA asaya mezüng anogo nung iba melangtepba sentong agi. Sentong nung tongti tesemdanger MLA Vikho-o Yhoshü liasü.
Sentong Mezhüvo-o Thorie lenisüba kübok agi. SASA Tir Ketoupuzo Lhoushe-i tayongzükba o jembi, aser SASA wrestling secretary Zaprani Mekro külizüngtepba sentong acha ayang.
Melangtepba dak alaka iba anogo pezü asayamong nung Sepak Takraw, badminton, volleyball, football, marathon race, bamboo walk, aser track & field asayatem asayatsü.