Nemnemba Tebilemtsü

Menemnemi aser menungnangi mapa ajak inyakang. Filipi 2:15.
Nemnemba! Asenok kongisa odir idakji asenoki iba o angashir – kibong nung, külem inyaker rong nung, asen tembartem nungi aser arogotem nung. Ibai asenok mapang entoka jembiba o ka lir.  Aji saka tenyar Pauli menemnemi mapa ajak inyaktsü asenok ajungshir. Asenok asoshi nemnembaji majung, aser iba jagi mepelaba adoker ta Tsüngremi metet. Kodang Israel chirtemi maneni nemnem, iba nung jagi tasüba adok. Yihusua aser Kaleb dang tenangzükba limai aitsü mela.
Kodang asenoki langka asoshi bilemer kechi inyaker? Pauli Efesa 4:29 nung zülu: “Nenok tebang nungi o tamajung ka danga tadokdaktsü. Saka tenüngdaktsü amato kechi yangluloktsü asoshi tajung lir, tangashirtem nem taochi agütsütsü aji jembiang.” Nemnemtsü melen, Yisu Khristai yaritsü aser Tanela Temeshi-i shisatsü agütsütsü ta amanga, asenok indang indanga shiba dang kechi ashitsü tim aji ashitsüla. Tanela ain ajanga, asenoki nemnemba oji taochi o agi melener jembitsü akok. Yisu Khrista ain dak metaloker asenoki asen tebang mechi aser taküm libaliro yimya agi kuli asütsü akok.
Kibuba Yisu, kü nemnemba o tem taochi agi melenjang. Amen.