Nenok ajungba indang tamajung tejembidaktsü (Rom 14 :16).

Tamajung kechisarena nungi pila liang (1Tesa 5:22).
Kechiyong Kibuba madang dang masü saka nisung madang kechi tajung aji asoshi onoki bilemer(2Kor8:21). Kechiaser yamaji nenoki bilemer.(2Kor 8:21).Kechiaser yamaji nenoki tajung inyakba agi tamashi nisungtem tamashibaji ola matokdaktsütsü Tsüngremi mulungba lir(1Peter 2:15). Saka nenok rongnung shingaia nisung tepseter mesüra auer mesüra mapa tamajung inyaker mesüra tangar nisung mapa nung majabangjaa inyaker ama timtetem saka Khrista ama nisung kati timtemra pai maaki iba tenüng nung Tsüngrem sentsüwangshidakjang(1Peter4:15,16).
Adianutem, nüji asoshi nenok aja saka iba nüjibaji nenok shi inyaknülen inyaktsü asoshi dang tamshima saka temeim agi medemer o medemer na tenzüktepang(Gal 5:13). Saka iba nung nenok benshinütsü benshi agi tashimaiter memetsüdaktsü kümdangang(1Kor8:9).
Saka Kü daka amangba item tilatem rongnung ka danga shibai metsüdaktsüdir, pa asoshi temenüngba lungpak ka tekong nung iloker tzüyim tarok nung angüma asü tajungba(Mtt 18:6). Aser chubai parnok dang ashitsü ,atangji ni nenok dang ashir, item Kü adianu tilatiba rongnung ka dang danga nenoki kechi inyak aji nenoki kü dang inyak(Mtt 25:40).
Oba, kü nüji Ne sentsüwangtsü asoshi kü dang sayuangma. Amen.