Nenok dak metsü lidakjang

“…..saka Metsü dak tanangji samadokra, nenoki aji kechi agi nangdaktsütsü? Nenok dak Metsü lidakjang aser nenok o nenok na putepa liang”. – Mark 9:49-50
Metsü ya shisatsü aser tangatetba nung amshiba asenoki Lai nungji angur. Nisung shia dang nenok koda langzütsü tim aji nenoki metettsü asoshi nenok O teti taochi den, metsü agi nangdakja liang ta shia lir. Yamaji Yisu Khrista-i Mt.5: 13-16 nung alima nung Yisu den anidakertem atema Metsü aser milen tesangwa agi atishia Yisui parnok mapa aser taküm indang atishia jembiba idaki angur. Iba tatishitsü anaji nütsüngtem mapa tajung atema atishia ashiba lir.
Nütsüng kati Yisui sayuba nungji manidaki, Tebu sentsüwangshi metsü dak tanang samar tagidak makai akümba aser ammang nung tesangwa nembanga ayuba den kasa lir. Ano laishir kari yamai ashir, Yisui par nütsüng dang shisatsü aser tangatetba indang sayubaji alima sangrasangji jagi menendaktsüra, mesüra Pa tesayubaji alima den meyoktepra, metsü dak koba shisatsü aser jenjang lir, ibaji samadoktsü aser Pai sayuba shisa O ji amajok akümtsü.
Sarasadem: Kibuba Yisu, Metsü dak tanang aliba ama, Na meimba nung iba tanangji tesamatsü. Amen.