‘Nenok kija masü, Tsüngrem nenok den lir’: Acharya

Dimapur, Mongputeni (October) 9 (TYO): “Nenok kija masü, Tsüngrem nenok den lir” ta tanü Nagaland Governor PB Acharya-i tanü tanurtem dang ashi.
Raj Bhavan nung Child Care Institutions nungi tanurtem den outreach programme anogo pezübuba aser tatembuba nung PB Acharya-i iba tayongzükba agütsü.
Mon, Longleng, Kiphire, Tuensang, Zunheboto aser Mokokchung District tem nungi tanur 86 den jembidang Acharya-i tangatetba tajung alitsü aser alizüng atongtsü atema merangtsü ayongzük.
Sentong nung ADC Kiphire Reny Wilfred, IAS aser DSP & Olympian Chekrovolu Swuro natia tajungshi o tem jembi.
Sentong nung Mt Carmel Children Home, Sukhalu, Zunheboto, Shalom Children Home, Kiphire, Langsa Hill Children Home, Mon, Evangel Mission Children Home, Longleng, Care and Support Children, Mokokchung, Bethel Children Home, Tuensang aser Kohdi Children Home, Tuensang tanurtemi shilem balala agi.
Tanü agiba sentong nung menden Jochule-i ashiba agi, anogo pezü outreach programme nung district balala nungi Homes 38 nungi tanur 527-i shilem agi.