Nepal aser China tan mezüngsüa lokteper military drill agitsü

Kathmandu, April 13 (Agencies) : China military nung ketdangseri tamalen khen ashiba ama Nepal aser China na tan mezüngbuba lokteper military exercise agitsü. Iba exercise ya April 16 nungi 25, 2017 tashi agitsü, ta Brihostibarnü Nepal Army-i ashi.
Taoba ita China Defence Minister aser State Councillor Chang Wanquan-i Nepal semdangba mapang UN den yimjung atema tesendaktep mapa inyaker, Nepal Army tem nem teyari sen million Yuan 300 agütsütsü metetdaktsü.
Anogo 10 nü munga iba military execise agiba mapang lendongtsüdong atalokdang kechi inyaktsü aser kiralongrar koma nokdangtsü item dakji rangloker agitsü.
Nepal-i tesüiba mapangtem nunga iba mesükba military exercise ya India, US aser tawa UN peace-keeping operation mapang linük aika den lokteper agiogo.