Nepal aser India arrtsü gondha 72 atema shibanger

Kathmandu, February 13 (Agencies) : India nung Rajya Sabha election agitsü aliba ajanga Kanchanpur district len aliba Nepal aser India arrtsü, tanü Hombar nikongdang nungi taruba gondha 72 tashi shibanga atar.
Gaddachauki aser Bhramadev aüolen tsütsübo Deobar nikongdang nungi shibangogo aser Dodhara Chandani aser Belauri lena Hombar nikongdang nungisa shibangtsü.
Uttarakhand aser Uttar Pradesh na nung Rajya Sabha election ya February 15, 2017 nü agitsü sentong lir. Anungji Beldandi aser Tribhuvan Basti tsütsü aliba Nepal aser India arrtsüa Mongulbar nikongdang nungi shibangtsü aser election aginü nikongdang 5:00 ako sülenang lapoktsü, ta Kanchanpur DSP Nainsingh Karki-i metetdaktsü.
Election agiba mapang manguba aser memetetba lendongtem nungi kümzüktsü asoshi arrtsü shibangtsü atema telemtetba ya agi.
Nepal aser India arrtsülen India police sünga yoka lir aser security check point ajak tashi itshiogo.