Nepal bus gari ka nung totzü litre 12,000 apu

Kathmandu, November 29 (Agencies): Siraha district, Nepal nung bus gari ana tsüktepa aser gari anarong ka nung totzü aika bena aliba pua yua lir, ta osangbenertemi ashi.
Police officer Shyam Chaudhary-i, Kathmandu-i aoba bus gari ka bus danga ka den tsükteper lia, iba bus nungi petrol aser diesel na sentepa, totzü litre 12,000 shi pua lir, ta ashiba Kathmandu Post ajanga metetdaktsü.
Madhesi kin-i Nepal o India na tsütsü arrtsülen September ita lungkak aita arrtsülen nungi shinga maitdaktsütsü telemtetba agiba sülen nungi Nepal nung diesel aser petrol agi kanga anünger.