Nepal nung menoknok ka anok

New Delhi/Kathmandu, February 5 (Agencies) : Hokolbar aonung Nepal nung Richter Scale nung 5.2 asadangtetba menoknok ka anok, ta US Geological Survey (USGS)-i metetdaktsü.
Menoknok anokdak tiyongtsüji Kathmandu nungi kilometer 55 shi pilar aliba Sindhupal chowk district nung liasü, ta National Seismological Centre ajanga metetdaktsü.
Taonung Nepal nung menoknok anokbaji India nunga Bihar kübok Muzaffarpur, Sitamarhi, Bettiah, Darbhanga aser Raxaul tesemtem nung metetogo, ta osang ka ajanga metetdaktsü.
“Menoknok anokdang Kathmandu nung nisungtem taoksa nung jenshidang, nisung 15 tashi yiru aser parnok rongnung nisung ana mozükidang anioka lir” ta Nepal home ministry ajanga metetdaktsü.
April 25, 2015 nü Nepal nung menoknok tesashi anokba sülen Richter Scale 4 aser tema nung asadangtetba after shocks 428 tashi liasü.