Nepal osangbenertemi I&B ketdangsertem den ajurutep

New Delhi, May 24 (Agencies) : Nepal nungi osangbener tejen kari Mongulbarnü Ministry of Information & Broadcasting (I&B) ketdangsertem den New Delhi nung arua ajurutepa osangbenertem teinyaktsü aser nüngdakba tem tsütsü olemtep tajung ka kaogo.

I&B Secretary Ajay Mittal-i parnok tarurtem nem ministry-i inyakba aser tongtibang teinyaktsütem lemsatep aser film industry o FM Radio tsütsü maparen tenzüka aliba tem metetdaktsü, ta ministry sangdong ka ajanga ashi.

Mittal-i sorka osangtsüsang abenba tsütsü osangbenertemi nüngdakba aser teinyaktsütem dena rasaa ashi.

Tarurtem dang linük nung tentet ajak nung aser film industry tsütsü osangbenertem tali nüngdaka akümba idanga metetdaktsü.

You must be logged in to post a comment Login