Nepali tsürtemi ‘Gorkha Sahitya Kala Sanstha’ among

Kohima, August 20 (TYO): August 19, 2017 nü Gorkha Public Panchayat Kohima (GPPK) Hall, Chandmari nung Pre Teez/Daar-i ayongzükba Gorkha Sahitya Kala Sanstha (GSKS) benjung nung Nepali tsür noklang aika adenshia kanga longsotepa mongogo.
Iba anogo nung kibong züngsem ajak, talisa tetsürtem apensüoshi sentsü temerem (Saubhagya) semer tsüngsanga tekülem ken den Nepali aser Dohori kentem aten.
GSKS benjung nungsa Nepali tsür ajak atema chiyungba benjung “Daar” aliba den tanga südoksünem sentong aika agia liasü.
GPPK Tir, Santu Thapa-i iba benjung salem osang aben aser Co-convenor Teej organizing committee, Ganga Thapa-i lokti pelaa agizük aser Convenor, Chandra Kumar Lama-i Teej ratet lemsatepa liasü.
Sentong nungsa Binod Mothey aser Karishma Baraily nati ken aten aser tetsütem tenüng nung GSKS Patron, Gyatri Devi aser Gorkha Mahila Samity Kohima Tir, Dhurpati Lama nati o jembi.
GSKS-isa August 20, 2017 nü kasa tesem nung Bhasha Diwas ayonga mongogo.