Nephilim otsü züluba nükjidong

~S. Medem Kichu, Lerie Colony, Kohima. 

Ni 13111/2018 anogo nung Tir Yirnyim osang paper nung Nephilim osang indang otsü ashiba nung Rev. S. Temjen Longkümer, Chumukidima-i 21/11/2018 nung iba  den sendaktepba nung tangatettsü ashiba den iba otsü züluba nükjidong shidi.  

Iba anogo nung Nephilim indang otsü ashiba nung ya, Laishiba tesayuba mesüra tangar mashilen anisatsüsa purapuji O kecha mangutsü (I don’t think that, there is flattering words or distorting Biblical stories in it). Iba indang ya meja- meja-a dang Nephilim indang bushiba nung Tsüngremi kü nem telangzüba (answer) agütsüba atema Tsüngrem tenüng sanga iba tepela ajak den lemsatepba dang lir.
Küm ishika ogo ni kodang laishiba azüngtsü tenzük Lipok 4 & 6 nung Adam meyangludang a1ima tesem kar nung nisung liasü ta bushitet nung ni ibaji tejangjaba nung metettsü atema bushitsü tenzük.
Ni bilüm, ya tanga kecha agia masü, otsü ya tama atalokba kar tesüsa ang atalokba ama, aser tesüsa atalokba ang tamasa adalokba amai meyoktepa züluba agi yamai aküm südi ta ni bilüm, saka iba nunga kuli kecha mangu.
Yamaji rata-mata tia ka nung alidang ni bushiba answerji zülua aliba kakut ka kü küt-i aru aser iba nungji yamai zülua liasü. Lipok 4 & 6 nung a1ima nung Adam meyangludang tesem kar nungbo nisung liasü ta zülua alibaji shidak aser parnok dangji Nephilim ta ajar ta zülua liasü (Iba indang ya 13/11/2018 anogo nung adokba nung angutsü). lba kaküt zülusangi ashibaji, yamai liasü. Itüm O ya Tsüngremi Pongmang nung pa dang ashiba aser alima nung alir ajaki metettsü atema nai züluang aser pamok dang shiang ta ashiba agi zülu ta ashir. Ajak rong nung tesüngmangtsükaji, iba nisung yagi ni memetet aser mongudang aser nia pa atema yamaji, saka ni küm 20 bushiba telangzüba aliba kaket kü dangi bener yokba ya lir.
Ibai Tsüngrem temeim mapa ta ni metet nung iba tepela osang ajak den lemsateper tang ashi, pura-pujia züluba masü ta angatetdi. Nenok sayutsüngertümi teti Laishiba meranga azüngtsü ashiba agi nenoki ashi anga-a meranga azüng, saka otsü mejangjai aser teratatsü akütba otsü Tsüngrem dang sarasadema küm aika research agi, saka tejangja ka mangutet kechiaser iba ya küm merijangsa-merijang jendi süi-a or atalokba otsü asü nung tanü putu nungo nisung shisatsü agi dangbo tamakoktsü liasü.
Saka Tsüngrem tanelai ibaji ratettsüba agi iba tepela osang lemsatepa dang lir. Ano nai ashir, Lipok tapu 1-11 yabo Yehuda nunger tezülur asemi (3) mapang palala nung zülu ta ashir. Nibo Theology mazüng nungji oda tongmelang agi Lipok kaküt ya Mosai zülu ta dang angazüker liasü. Ibai osang tasen ka asü nung kanga dang pelar.
Saka nibo nai yangi tera mapensai ashir ta bilümer, kechiaser Holy Bible text book dak alaka laishiba otsü züluba, Temeshi laishiba okila ama, Bible Commentary ajak nung Mosai zülu ta shia lirji ajaki meratatsü atema Mosa dena par Bezü-i zülu ta amshi nung ang tejangjaba asütsü.