NESO-i Manipur kaketshir lennir chiokang ta akhanger

Dimapur, February 16 (TYO): New Delhi nung Manipur kaketshir lennir Thokchom Veewon apuba sülen anogo ka lir North East Students’ Organisation (NESO)-i tanü pa chiokang ta takhangba agütsüogo.
Manipur Students’ Association of Delhi (MSAD) nung taoba president Thokchom Veewon ya Hokolbarnü Manipur Police aser Delhi police külemi sentepa apu.
“Kuli kecha makai aser arrest warrant melii Veewon apuba aitsür. NSA kübok Manipur journalist Kishorechandra Wangkhem apuba aser Citizenship Amendment Bill, 2016 anema pai jembia aru aser pai anir Delhi nung lungkak ait” ta NESO-i ashi.
Police-i Veewon dak teka sangshi aser atsür ao. Par kidang nungi pa pur aodang slippers dena mesemdaktsü. Police-i pa indang laptop aser mobile phone auya, ta NESO-isa tai tongloktsü.
“Kanga dang tim mesüi pa apu. Anogo ishika tejakdang Manipur police-i Manipur nung Veewon’er kidangi ao aser par kibong amokmeren” ta parnokisa metetdaktsü.
“NESO-i Thokchom Veewon posema noktaker aser sorkar dang kaketshirtem tebang shibangtsüba inyakyim anentsü akhanger. BJP sorkari par inyaknütsü inyakba mapa ya tashiyim mapa lir aser iba ya democracy atema lendong tulu lir” ta NESO-i sangdong nungsa metetdaktsü.