Netaji nem ‘Linük Lenir’ naroküm agütsütsüla: Mamata

Darjeeling (West Bengal), January 23 (Agencies) Honibar nü West Bengal chief minister, Mamata Banerjee-i, Netaji Subhas Chandra Bose nem ‘Linük Lenir’ naroküm agütsütsüla ta akhangba den külemi Netaji samaba osang miimbanga alibaji linüki metettsü tim, ta ashi.
Tanü Netaji asoba anogomung 119buba nüngtem nung ayongba sentong ka nung jembidang Mamata-i, “Netaji  samaba indangji linüki metettsü tim. Küm 75 tejaklen Netaji-i linük toktsü, ajisüaka pa samaba indangji asenoki tang tashi memetet. Nüburtemi ochi metettsüji tim,” ta ashi.
“Onoki kulikakettemji reprangdangner, koba ajanga Netaji samaba osang tejangja metettsü. Netaji samaba kuliji kaket tejangja aser kuli tejangja ajanga sayutsüla. Netaji nem ‘Linük Lenir’ naroküm agütsütsüla. Pa iba akhüm angutsü temsüa lir,” ta West Bengal chief minister-isa ashi.
Yaküm September ita state nung TMC sorkari Netaji dak sentakba miimbanga aliba kulikaket 64 sayaa liasü.