Howrah (West Bengal), January 25 (Agencies): Hombarnü Netaji Subhas Chandra Bose’er kinünger Chandra Kumar Bose BJP den denogo.
Tanü iba sentong nungji BJP Tir Amit Shah densema liasü.
Tanü Howrah nung lokti senden ka nung Bose-a densema liasü, iba senden nung BJP Tir Shah-i jembia liasü.
January 23, 2016 nü NDA sorkari Netaji dak sentakba miimbanga aliba kulikaket 100 sayaba sentong nung Bose-a densema liasü. Iba anogo nung Bose-i, “Ato kilonseri temelung ajak agi iba ya nendaka inyakba atema pelar,” ta shia liasü.
Paisa, “Congress yimsüsüba mapang nung ochi miimbangtsü atema tongtibang kaket aika raksatsür alitsü akok ta onoki bilemer. Iba ya angatettsü atema documentary kuli lir. Anungji Russia, Germany, UK aser USA nung aliba kakettem sayatsü atema India sorkari inyaktsüla ta onoki bilemer,” ta pai ashi. Honibarnü NDTV den jembidang Chandra Bose-i, “Tanü, asenoki telangzüba ajakbo mangutsü akok, saka temaitsü karbo angutsü ni imlar,” ta jembia liasü.
India nüjiso atema rarar, Netaji Subhash Chandra Bose dak sentakba kulikaket 100 shi taoba Honibar nü digital version nung sayaogo aser maneni sorkari ita shia Netaji dak sentakba kulikaket 25 sangdongtsü metetdaktsüogo.
You must be logged in to post a comment Login