Netanyahu-i natural gas agitettsü tezüngzüktep agir

Jerusalem, December 17 (Agencies): Israel Ato Kilonser, Benjamin Netanyahu-i tzüyim telung nungi natural gas agitettsü tongti tezüngzüktep ka US aser Israel na nung tentetba company-tem den tanü Brehostibar nü agiogo.

Par liberal yimsüsür aser alimang kümzüka ayutsü merangertemi anemaka, Israel’er tzüyim nungi natural gas agitettsü tezüngzüktepji Netanyahu-i tan agir lir.

Ali aser tzüyim telung nungi anguba rongsen ajema anguba Israel linüki par tzüyim telung nung natural gas jenti aliba küm 5 tejaklen bushitetba sülen kasaji agitettsü asoshi Israel aser US na nung tentetba teloktem den jembitepa aruba osang jangjaogo.

Ajisüaka, “Tan tezüngzüktep agiba ajanga Israel nüburtem masü saka natural gas agiteter teloktem nem tajangzük tuluba bener arutsütsü,” ta shia, liberal yimsüsür aser nübur shilem ishikati tan tezüngzüktep agibaji anemtsü tenzükba den külemi, parnoki Israel Supreme Court nung ken o benoktsü amokmerentsü tenzükogo.