New Delhi nung 11buba NE Business Summit tenzükogo

New Delhi, March 09 (TYO): Tanü New Delhi nung 11buba North East Business Summit (NEBS) tenzükogo. Anogo ana sentong ya investment ajungkettsü, North-East Region (NER) tashi sayutsü aser Northeast nung shishilembaba maongka balala sayutsü nükjidong nung akar.
Railways Union Minister, Suresh Prabhu-i video ajanga, alima tesem ajaklen NER handicrafts aser handloom yoktettsü atema kobi melii e-commerce portal ka IRCTC website nung inoktsü, ta metetdaktsü. Pai ashiba agi, Darjeeling tashi railway sendakteptsü atema Darjeeling Gorkha Hill Council-i ali agutsütsü nangzükogo, aser ibaji maneni Sikkim tashia sendakteptsü.
DoNER Union Minister, Dr. Jitendra Singh-ia iba sentong nung asüng jembitsü.
Anogo ananü sentong tetenzük nung Ministry of DoNER Secretary, Naveen Verma-i Indian Railways Broad Gauge network nung amenoker NER nung Green Corridor ka amentsü metetdaktsü.
11buba North East Business Summit (NEBS) nung Verma-i, NER nung horticulture aser züsentetba aonsotsü timbaka NER arrtsülen aliba linüktem dangi yoker, aser maneni tali züsentettsü atema sorkari ajungshitsü, ta metetdaktsü.