New Delhi nung Arunachal guest house ka lapok

Itangar, July 24 (Agencies): Arunachal Pradesh nung Bameng MLA Goruk Pordung-i Mongulbarnü Safdarjung Enclave, New Delhi nung Gyan Mission Orphanage (GMO) indang guest house ka lapoktsü.
GMO-i Arunachal Pradesh nunger nem tongti süa anenzükdaktsütsüla ta Pordung-i o jembidang ashi.
“State sorkar meyong Arunachal Bhawan, Arunachal House ama yanglua lir saka item ajanga Arunachal nunger mepirir. Aiben Arunachal nunger tanendak manguba timtem ajurur” ta paisa ashi.
Iba guest house nung lisopur chiyungtsü angutsü ta asüba atema kanga pelar kechiyong iba ajanga tanenzükertemi pei kidang anener ama asütsü, ta Pordung-isa shisem.
Sentong nung GMO chairperson Yasi Nalo Sonam-i ashiba agi iba guest house nung aazükba sen teimba ka charity mapa nung amshitsü.
Iba sentong nung Arunachal Pradesh Building and Other Construction Workers Welfare Board chairman Jalley Sonam, social activist Norbu Sonam aser tangar aika aden.