New Delhi nung IGNOU 28 buba Convocation akatsü

Kohima, August 06 (TYO): Indira Gandhi National Open University (IGNOU) indang 28 convocation sentong August 08, 2015 nikongdang 2:00 ako nung Convention Centre, IGNOU, Maidan Garhi, New Delhi nung akatsü, ta sorkar osang ka ajanga metetdaktsü.
Taoba UGC Mendenbuba, Professor Hari Gautam-i convocation nung jembitsü aser Lucknow University Vice-Chairman, Prof. D.P.Singh tetushi tejaoker asütsü.
Ano of IGNOU Regional Centre, Kohima nunga Convocation sentong nung Higher Education Nagaland, Director Dr Norbert Noraho tetushi tejaoker asütsü aser paisa Convocation sentong nung jembitsü.