New Delhi nung Nepal-India Jt. Commission senden tenzükogo

Kathmandu/New Delhi, October 26 (Agencies): Bodhbarnü New Delhi nung Nepal-India 4buba Joint Commission senden tenzükogo, aser Brihostibarnü minister-level senden amentsü.
Joint Commission senden ya Foreign Secretaries-Shankar Das Bairagi aser S. Jaishankar na leniba nung akar. Ano Nepal-India minister level senden nung taoba mapang linük ana tsüngda tezüngzüktep agiba onüktem nung rangloker amentsü.
Joint Commission senden ya Nepal aser India tsüngda linük tensentaktep temaba jenjang nung amenba senden lir aser iba senden nung linük ana tsüngda tezüngzüktep, ken o tem aser tarutsü nung tesentaktep onüktem jembitsü.
“Iba senden nung tesentaktep onüktem nung rangloktsü,” ta India semdangtsü jelia Nepal Foreign Minister, Mahat-i metetdaktsü.
Linük ana tsüngda mezüngbuba Joint Commission senden 1987 nung tenteta amen, aser tasembuba sedenji 2014 küm July ita Nepal yimtiba, Kathmandu nung mena liasü.
Iba senden nung taoba senden nung lemtetba onüktem reprangshitsü.
Ano minister senden level nung Foreign Minister, Sushma Swaraj leniba nung ministry balala nungi secretary tem adentsü.
Minister, Prakash Sharan Mahat-i ashiba agi, minister level senden nung gari lenmang, connectivity (railways, lenmang aser apu), tzü, security, arrtsü onük, Pancheshwor Development Authority indang project onümtem nung o lemteptsü.
Ano külen Mahat-i, iba senden nung Nepal-India arrtsü nung checkposts, power,  Mahakali Tezüngzüktep, gari lenmang, petroleum pipeline, shishilembaba onüktem nung o lemteptsü, ta metetdaktsü.