Chandigarh, October 27 (Agencies): October 31, 2015 nü Gurgaon nung Human Resource Development Union Minister, Smriti Irani lenisüba nung north India state tem atema new education policy tatem küma lemtettsü, ta tanü ketdangser sangdong ka ajanga metetdaktsü.
“Iba senden nung shisaliok tasenba mapatong tatem küma lemtettsü,” ta tanü Jhajjar district nung Haryana minister, Ram Bilas Sharma-i ashi.
Paisa, Haryana state nung aliba yimtsüng 6,072 nung shisaliok tasenba mapatong onük nung o lemtep aiben kaogo aser nisung lakh ana dak temai pei tebilemba lemsatepogo, ta metetdaktsü.
Sharma-i ashiba agi, new education policy draft renema lir aser Gurgaon nung senden nung o lemtepba sülen ibaji agizüktsü.
Taoba UPA sorkari Class I nungi VIII tashi nung azünger kaketshir shianga ‘fail’ mesütsütsü benokba mapatong ajanga shisaliok jenjang tamajungba kümdar, ta chief minister-i aitsü.
Tan Haryana nung aliba BJP sorkari mezüng aliba shisalok mapatong tanaben benoktsü lemtetogo, ta paisa shisem.
Taoba ita Union minister Irani-i, “tang tashi nung sentongtemji national mesüra state level nung renemer. Shisaliok tsütsülen nungi, onoki district sasep nung sentong renemra onoki renema aliba ama sentong ataloktsü,” ta shia liasü.
You must be logged in to post a comment Login