New Hampshire Primary: Trump o Sanders nati takok angu

US kübok New Hampshire nung agiba US Tir candidate shimtsü sentong nung Democratic telok nungi Vermont Senator, Bernie Sanders (Abelen) aser Republican telok nungi New York billionaire, Donald Trump nati temaba jenjang anguba sülen tenati pei pusemertem den ajurutepba noksa nung angur. (Manchester, February 10)

Manchester, February 10 (Agencies): US kübok New Hampshire nung agiba US Tir menden asoshi Democratic aser Republican yimtenren telok na nungi candidate shimtsü election sentong nung Democrat teloki nungi Bernie Sanders aser Republican telok nungi Donald Trump nati takok anguba osang jangjaogo.

Billionaire shishilembar, Trump-i Ohio Governor, John Kasich den vote timba ngua par Repulican telok nungi takok angu.

Vermont Senator, Sanders-ia taoba US Secretary of State, Hillary Clinton den vote timba ngua par Democratic telok nungi takok angu.

Sanders-i vote noklang nung shilem 60 shi ngua vote shilem 38 shi angula, Hillary den temaba jenjang angu aser Trump-ia Republican vote noklang nung shilem 35 shi ngua par telok nung temaba jenjang anguba osang jangjaogo.

Taküm, 2016 küm November ita agitsü renemba US Tir election nung Republican aser Democratic telok na nungi candidate kaka yoka Tir menden asoshi toktepdaktsütsü nükjidong nung tan primary election sentong ya agir lir.

Tan agiba election sentong nung taoba Florida Governor, Jeb Bush; Texas Senator, Ted Cruz aser Florida Senator, Maroc Rubio nungeri vote tajemba ngua liasü.

Taoba hopta Iowa nung pei yimtenren telok sasep nung election agiba sülen tan New Hampshire nunga candidate shimtsü sentong ya agir lir.

Iowa nung agiba election sentong nung Democratic telok nungi Clinton aser Republican telok nungi Cruz nati vote timba ngua liasü.

Taruba election sentong South Carolina aser Nevada na nung agitsü sentong renema lir.