New Market, Dimapur nung CCTV cameras amshitsü

Dimapur, March 28 (TYO) : March 30, 2016 nü New Market Business Owners’ Association (NMBOA)-i New Market, Dimapur nung CCTV camera amshi tenzükba sentong agitsü.
Iba sentong ya nikongtsütsü 2:00 ako nung agitsü aser tongti tesemdangerji Home Minister, Y. Patton asütsü, ta NMBOA & DCCI President, Hokivi Chishi-i sangdong ka nung metetdaktsü.
Iba sentong nung Dimapur kübok shishilembartem, mulungtet teloktem aser temeimertem ajak arua adentsü mepishir ta NMBOA-i sangdong nungsa shia lir.
March 30, 2016 anüngdang 12:00 ako nungi sentong metembang tashi New Market shibangtsü, anungji nübortemi iba timtem aremzüktsü ta Hokivi Chishi-isa metetdaktsü.