New market nung CCTV camera ajanga auer ka apu

Dimapur, April 3 (TYO) : New Market nung mapang shia aonsotsü auyar ka Deobarnep 5:00 ako meta CCTV camera ajanga auyaba puteta apu.
Iba nisung ya Railway colony nung alir Bihari Lal (57) ta jangjaogo.
Mapang shia dokantem nungi aonsotsü aser tanga osettem samaba osang shishilembartemi New Market Business Owners Association (NMBOA) dang sangokja liasü aser tang New Market nung CCTV camera enokba ajanga auerji putetogo, ta NMBOA mendenpurtemi tanü metetdaktsü.
Lal’er kinüngertemibo paji tekolok meshitak ta ashi saka pa dang asüngdangya asütsü atema police ket nung agütsü, ta parnokisa shisem.
NMBOA-isa home minister, Y. Patton-i CCTV camera amshitsü tenzükba sentong nung tongti tesemdanger ama shilem agiba atema pelaba metetdaktsü aser tarutsü nung home minister-i shishilembartem atema mapa inyaktsü teimla lir ta shisem.
NMBOA-isa Lotha Baptist Church Dimapur Associate Pastor Yanbemo, Commissioner of Police, ACAUT, Naga Council, Naga Women Hoho Dimapur, GBs Union Dimapur Sadar, DUCCF, DNSU aser sentong nung adenertem ajak dang pelaba metetdaktsü.
New Market nung CCTV camera enokbaji auer mesüra tashiyim agi mapa inyakertem aputsü atema dang masü saka tim mesüi inyaksangshiba dokan kiburtem azüoktsü atema lir, ta NMBOA mendenpurtemi metetdaktsü.