New Reserve, Phesama nung Children’s Park ka lapoktsü

Kohima, June 24 (TYO): Hokolbarnü New Reserve, Phesama nung MLA, Dr. Neikiesalie Nicky Kire-i nüburtem atema Children’s Park ka lapoktsüogo.
Centre indang Atal Mission for Rejuvenation and Urban Transformation (AMRUT) scheme kübok Kohima Municipal Council aser Urban Development Dept-i senteper iba Park ya yanglua liasü.
Iba sentong nung jembidang Kire-i nüburtem dang, iba Park ajaki nükshitsü atema iba Park aser temeket akokba tashi merüka ayutsüla, ta ayongzük.
Südoksünema kazütsü atema Kohima nung item tesemtem kanga ajema aliba ajanga nisung aikati mapang timbaka ki telung nung dang kazür, ta shia pai, Park tasen lapokba ya ajanga nüburtem nem maongka agütsütsü imlar, ta ashi.
Pai iba park dang “Pete Park” ta ajatsü benok; Tenyidie oshi nung iba tetezü “Ajak meyong Park’ lir.