New York film fest nung Tamil film asem sayutsü

Chennai, March 24 (Agencies) : 17buba New York Indian Film Festival nung ano masayai aliba Tamil film asem — “Merku Thodarchi Maalai”, “Oru Kidayin Karunai Mani” aser “Sigai” sayutsü.
Iba benjong ya April 30 nungi May 07, 2017 tashi akatsü sentong renema lir.
Shinga daka metaloka maliba film consulting company, Viewfinder (VFC)-i item film asem sayuba mapang yariteptsü.
“Ozü company-i South India film nung yariteptsü maongka anguba asoshi kanga pelar. South India film tem ya yimya balala nung jangratemtsü film tem lir. Ni item film atema inyakshiba atema pelar aser New York nung aliba nüburtem den item film tem lemsateptsü asoshi kanga yongyaseta atar.,” ta VFC Managing Director Dilani Rabindran-i sangdong ka ajanga metetdaktsü.
“Merku Thodarchi Maalai” aser “Sigai” film tem mezüng international sabang nung sayubaji ibai alitsü. Iba film ana ya India film benjongtem nungbo sayuogo. “, “Oru Kidayin Karunai Mani” film-a tan mezüng international sabang nung sayutsü.
Iba film benjong tezüka Alankrita Shrivasatava-i direct asüba “Lipstick Under My Burkha” film mezüng sayutsü.