New Zealand, Britain, Germany, Netherlands tetsürtem Hockey semi tongogo

Rio de Janeiro, August 16 (Agencies) : Tan Rio Olympic 2016 nung New Zealand, Germany, Britain aser taoba küm Olympics nung takok marok angur, Netherlands linüktemi semi final tongtetogo.
New Zealand-i Deodoro Hockey Centre nung Australia akokba ajanga iba jenjang tongtet aser semi final nung parnok Britain den asayatsü. Britain-i quarter final nung Spain madak takok angu. London 2012 Olympics mapanga iba telok ana ya bronze medal atema asayaa liasü.
Ano Germany-i quarter final nung United States akokba sülen taoba mapang champion Netherlands den semi final asayatsü maongka nguteta lir.
Netherlands tsürtemi London 2012 nung silver aguba telok Argentina madak Bodhbarnü takok anguba ajanga tan semi final tongteta lir. Tan Rio nung takok angu nungbo parnoki gold medal asembenbuba abentsü kechiba süra parnoki 2008 küma gold medal bena lir.