New Zealand-i Wicket 8 agi Pakistan akok

Nelson, Aenjeti 09 (Agencies): Nelson tesem nung New Zealand aser Pakistan na tsüngda Sangtennü, Aenjeti 9, 2018 anogo teburtem cricket asayaba nung ‘Duckworth – Lewis system’ ajanga New Zealand-i wicket 8 agi Pakistan madak takok angu. New Zealand captain, Kane Williamson-i ashiba agi, tzünglu aruba ajanga asaya khen anentsüsa aküm aser iba ajanga parnok nem iba asaya akoktsü asoshi maongka agütsü. Asaya khen anenba mapang New Zealand nungeri overs 14 nung nisung ana out sür runs 64 yangluteta liasü.
Kodang tzünglu anener asaya tenzuk, overs 25 tashi ‘DLs’ yimya nung asayatsü lemtet. Ibaji ajanga New Zealand nungeri overs 11 nung run 87 yanglutsüsa adok.
Iba saya mezüng tenzükba mapang Pakistan-i toss koka parnok batting asütsü shim. Mohammad Hafeez (60), Shadab Khan (52) aser Hasan Ali (51), par asem-i junga asayaba yong nisung 9 out asüdang Pakistan-i runs 246 yangluteter liasü.
Overs 10 tashi nung New Zealand ya 47/2 liasü. New Zealand nungi Colin Munro run ka danga meyangluteti out süadok aser Williamson-i runs 19 yanglu.
Tzünglu aru tashinung Guptill-i ball 40 nung runs 31 yangluteter liasü aser pai-sa ano ball 71 nung runs 86 ngutet aser pa den kulemi Ross Taylor-i ball 43 nung runs 45 ngüteta tatem tashi takok ngua asaya.
New Zealand-i iba ‘five-series match’ nung anaben tashi takok nguteta lir. Küptoknü (Saturday), Aenjeti 13, 2018 anogo ano linük ana tsüngta tasembuba ODI ya Dunedin nung asayatsu.