New Zealand Open nung Prannoy, Sourabh quarters-i iogo

Auckland, August 3 (Agencies): New Zealand Open badminton asaya nung H S Prannoy-i Hong Kong nunger asayar Wei Nan straight-game nung koka tebur kija asaya quarter-finals tongtetogo.
Iba asayamung nung jenjang pezübuba nung alisang Prannoy-i Wei Nan 21-18 21-19 agi minute 46 nung tsükdaktsü. Pa taruba asaya Chinese Taipei nunger asayar Lin Yu Hsien den asayatsü.
Taoba National champion Sourabh Verma-i pre-quarterfinal asaya nung Parupalli Kashyap koka quarter tongtetogo.
Arishi küm 24 tain, Dhar nungi asayar yagi 21-18 13-21 21-16 agi Kashyap madak takok angu. Iba saya ghonda ka ser minute pezü asayaa liasü. Pa taruba asaya Israel nunger Misha Zilberman mesera Hong Kong nunger Lee Cheuk Yiu den asayatsü.
Kasa asayamung nung India nunger Siril Verma ya Chinese Taipei nunger asayar Chia Hung Lu-i 13-21 14-21 agi koka iba asayamong nungi tuguogo.
Prannoy ya 2014 küm Malaysia Open nung Wei-i tsükdaktsüa liasü aser tanü pai ibaji küptokogo.