Santos, February 28 (Agencies): Brazil ketdangsertemi football superstar Neymar-i tax magatsüba ajanga pa indang helicopter dak alaka oset ajak mamshitsüdaktsüi sota yuogo.
Pa meyong helicopter ya market jenjang sen $3.8 million alang lir, aser iba yabo February 15 nü oset sota ayuba rongnung medensem.
Oset sota ayuba rongnung rong ka, real estate ka aser tayimtsü ka densema lir, ta Efe osang ajanga metetdaktsü.
Neymar-i Helicopter ji amshitettsü ajisüaka tan iba dak sentakba ken o angadangba court ajanga temelaba magütsü tashi tayokbo meyoktettsü. Pa atema o katsürtemi National Civil Aviation Agency dang temepishiba ka agütsütsü, ta shiogo.
Pa 2013 küm Brazil club Santos nungi FC Barcelona-i meyipdang menaba senchi aser taoba mapang tax magütsüi alibatem agütsüdaktsütsü mechi nung pa indang osettemji sota ayu.
Brazilian judicial authority temi Neymar, tebu aser pa den sentaktepa aliba company asem sentepa ajak agi 192.7 million reais ($48 million) alang rongsen sota lir.
Pa anema ken o benokertemi Neymar dang nungi sen 63.6 million reais ($16 million) meshitsü asoshi temelaba bushidar.
You must be logged in to post a comment Login