NEZCC-i Weekend Series programme agitsü

Dimapur, November 25 (TYO) : Dimapur nung artiste tem ajungkettsü aser tajungba kümdaktsütsü atema North East Zone Cultural Centre, Ministry of Culture, Government of India ajanga Weekend Series programme tasen ka tenzüker, ta NEZCC, Dimapur Director-i sangdong ka nung metetdaktsü.
Iba sentong nung Dimapur nung aser temeket nung aliba tejangrar telok/kijatemi tenüng züluoktsü akok, ta sangdong nung shia lir.
Iba sentong ya Honibar aser Deobar shia nikongtsütsü 3:30 ako nungi 4:30 ako tashi NEZCC Park nung agitsü aser ibaji November 26 nungi March 2017 tashi agitsü.
November 26 nü iba sentong tenzüktsü aser iba mapang Hill Praise Music Academy ajanga Folk & Fusion Music sayutsü. Iba sülen November 27 nü Nagaland Singing Ambassadors ajanga Opera Play “Cosi Fan Tutte” by W.A. MOZART sayutsü.
Iba dak sendakba application form aser ano osang tejangja metetnürtemi NEZCC, Dimapur den office mapang ajuruteptsü akok, ta sangdong nungsa shia lir.