NFHRCC ajungben senden ayonger

Dimapur, Metsüremi/March 09 (TYO): Nagaland Foothills Road Coordination Committee (NFHRCC) pur ajungben senden ka NFHRCC based Office, Kher Mahal, Dimapur nung March 10, 2020 nü nikongdang 3:00 ako nungi amentsü, ta sangdong ka ajanga metetdaktsü. Concerned Departmental work order nung shia aliba ama taoba mapang renemer aliba Foothills Road lenmang ajunga nung gari senzütettsüsa mürektsü onük tongtipang süa jembitsü, anungji züngsem ajak iba senden nung arua adentsü mepeshia metetdaktsür, ta NFHRCC sangdong ajanga ashi.