NFHRCC-i ajungben rongdak senden ka ayonger

Dimapur, Luchii/December 06 (TYO): NFHRCC ajanga Khen Mahal, Dimapur nung aliba office nung December 7, 2024 anepdang 10:00 ako nungi ajungben rongdak senden ka ayonger, ta NFHRCC convenor Supu Jamir aser assistant general secretary Chenithung Humtsoe nati sangdong ka ajanga ashi.

Ajaki yongya ataba Foothills Road yanglutsü atema Work Order agütsüba dak sendakba nung iba senden ya jazüktsüsa akumer, anungji Committee züngsem ajak medema arua adentsü ayongzüker, ta sangdong ajanga ashi.

Iba den külemi 2 Lane Foothills Road yanglutsü atema contractors nem Work Order agütsüba dak sendakba nung State sorkar nem anogo pezü tsüngta inyaktsü mapang latettsüba agiener, kechiaser NPWD, Road & Bridhes ajanga onoki akhangba ama inyakogo, ta sangdong ajanga ashi.