NFHRCC-i metetdaktsür

Dimapur, Metsüremi/March 7 (TYO): March 7 nü osang kaket balala nung NFHRCC-i pelaba lemsatepba den bendenloksema ano committee-i onük kar lemsatepogo.

Committee-i ashiba agi, parnoki PWD (R&B) Divisional Executive Engineer 7 dang foothill  lenmang nung gari koba tashi ka senzüteta ali iba indang Honibarnü NFHRCC office, Kher Mahal Dimapur nung coordination senden amenba mapang metetdaktsütsü mepeshia asüngdangogo.

Taoba küm coordination senden nung contractor ajaki 2023 küm December ita tashi nungbo motorable road project tembanga inyaktsü ta mulungtepba dak sendakba nung osang agütsütsü nüngdaker, ta parnoki ashi.

Maneni Tuli aser Mangolemba division contractor tem iba senden nung adentsü asoshi NFHRCC-isa mepeshia metetdaktsüogo.