NFHRCC-i Ralan Area atema senden amen

Dimapur, February 23 (TYO): Ralan Area nung Nagaland Trans-Expressway (Nagaland Foothills Road) yangluba indang onük atema NFHRCC-i Honibarnü Dimapur nung rongdak senden ka ayonga amen.
Tanü senden amendang telemtetba kar agi aser itemji tenokdangba balala nungi DAB Areas/Super sensitive Areas kümzüka ayutsü lateta aliba ama inyaktsü bangzüngtep.
Parnokisa NFHRCC original alignment agizüka aliba ama dang inyaktsü lemtet aser February 28, 2019 nü Contractor M/S Trident Enterprises and Associates, State PWD (R&B) Department aser tongti Hohotem senden ka amentsü lemtet.
Sendenji NFHRCC Office, Dimapur nung anepdang 11:00 ako nung amentsü, ta NFHRCC-i metetdaktsü.