NFHRCC puri Doyang apu semdangtsü

Dimapur, Tsüklai/Feb. 19 (TYO): NFHRCC, Contractor, aser Department of PWD(R&B), Nagaland külemi February 22, 2020 nü Governor’s Camp, Liphanyan-Koro nung tang teyangludak Doyang Bridge semdangtsü, ta NFHRCC convenor, Supu Jamir, general secretary W. Lemba Chang aser assistant general secretary, Chenithung Humtsoe nungertemi sangdong ka ajanga metetdaktsü.
Iba telok ya NFHRCC Office, Dimapur nungi anepdang 8:00 nung apusotsü, anungji tribal züngsem ajak iba arutsü mepeshir, ta parnokisa sangdong nung metetdaktsü.