NFHRCC PWD (R & B) Minister dang pelar

Dimapur, Yimpoksüi (November) 27 (TYO): PWD (R & B) Minister Tongpang Ozukum-i Doyang Bridge yangluba mapa reprangdangba atema kanga pelar, ta NFHRCC-i metetdaktsü.
Iba apu ya 2014 küm nungi yanglu tenzük saka mepishika bangdak minister shingaia iba apu yangluba tesem mesemdangi aru. Ajisüaka, tang teinyakdak PWD Minister-i tesem tonga oa semdangba ajanga bangdak Minister aser PDA sorkari iba otsüsütsü mapatong atema bilemtsüba sayur, ta NFHRCC-isa ashi.
Minister Tongpang-i mapa inyakba tesem tonga ao semdangba ajanga Contractor aser Committee pur ajungmesogo. Maneni, Chief Minister Neiphiu Rio aser PWD Minister Tongpang Ozukum nati uncut portions atema tekaratiba nung work order agütsütsü mepishir, ta parnokisa shisem.